GDS Digital Solutions Digital Products
Legal

Terms of Service

Huling na-update: Setyembre 2026

Sa paggamit ng website na ito at sa pagbili ng aming mga produkto, sumasang-ayon ka sa mga tuntuning nasa ibaba. Sinulat namin ito sa simpleng wika para talagang mabasa mo.

1. Sino kami

Ang GDS Digital Solutions ay nagbebenta ng mga digital na produkto — kasalukuyang ang BayadTrack (spreadsheet-based na sistema ng koleksyon) at ang GDS ONT Flasher (Windows tool para sa firmware conversion ng ONT) — at nagbibigay ng serbisyong website development. Nakabase kami sa Pilipinas at ang mga tuntuning ito ay sakop ng batas ng Pilipinas.

2. Ang mga binebenta namin

Digital ang lahat ng produkto sa katalogo. Walang pisikal na ipapadala. Ang delivery ay sa pamamagitan ng download link, email attachment, o Google Drive share, depende sa produkto.

Ang nakasulat sa bawat product page — kasamang files, sinusuportahang model, at limitasyon — ang siyang saklaw ng binibili mo. Kung wala ito sa listahan, hindi ito kasama.

3. Order at bayad

  • Ang order ay itinuturing na tapos kapag na-verify na namin ang bayad mo.
  • GCash at bank transfer ang tinatanggap namin. Nakasulat sa website ang mga opisyal na account.
  • Kada order ay may reference number. Kailangan mo itong ilagay sa notes ng bayad mo.
  • Kailangan naming makita ang proof of payment bago mag-release ng produkto.
  • Kami ang sumasagot sa bayarin ng aming account. Ikaw ang sumasagot sa anumang transfer fee na sinisingil sa iyo ng bangko o e-wallet mo.

Hindi kami humihingi ng password, OTP, PIN, o card details. Kung may nagpakilalang GDS at humingi nito, hindi iyon kami.

4. Delivery

Manu-mano naming che-check ang bawat bayad. Ang karaniwang delivery ay nasa loob ng ilang oras sa loob ng oras ng operasyon namin. Hindi ito instant at hindi automated.

Kapag lumampas na ito nang malaki at wala pa rin, i-message mo kami kasama ang reference mo. Ang pagkaantala ay hindi awtomatikong nagbibigay ng karapatan sa refund kung naipadala pa rin namin ang produkto — pero pag-uusapan natin nang patas kung may nangyaring hindi tama.

5. Paggamit ng produkto

Sa pagbili, binibigyan ka namin ng karapatang gamitin ang produkto para sa sarili mong gamit o sa loob ng sarili mong negosyo. Hindi kasama dito ang:

  • Pagbebenta, pag-upload, pag-share, o pamimigay ng files sa iba
  • Paglalagay nito sa mga group, cloud drive, o file-sharing site
  • Pag-aangkin na ikaw ang gumawa nito

Kapag napatunayan naming ipinamimigay mo ang produkto, mawawalan ka ng karapatang gamitin ito at ng access sa suporta at update, nang walang refund.

6. Ang datos mo sa BayadTrack

Ang file ng BayadTrack ay nasa sarili mong Google Drive. Ikaw ang may-ari ng file at ng lahat ng laman nito — pangalan ng kliyente, halaga, at record ng bayad. Hindi namin ito hawak at hindi kami nagtatabi ng kopya ng datos ng kliyente mo.

  • Ikaw ang may responsibilidad sa datos ng kliyente mo, kasama na ang pag-iingat nito ayon sa Data Privacy Act.
  • Ikaw ang may responsibilidad sa sarili mong backup. May version history ang Google Sheets, pero hindi ito kapalit ng sarili mong kopya.
  • Kung papasukin namin ang file mo para sa suporta, hihingi muna kami ng pahintulot at ikaw ang magbibigay ng access.

7. Ang GDS ONT Flasher — basahin mo ito

Ang GDS ONT Flasher ay para lamang sa mga ONT na pag-aari mo o may pahintulot ka nang i-service — halimbawa, bilang technician para sa unit ng kliyente mo. May built-in na safety checks ang app, pero:

  • Ang pagbabago ng firmware ay maaaring magvoid ng warranty at may panganib na masira (brick) ang unit kapag hindi sinunod ang tamang paraan.
  • Kung ang unit ay naka-lease o pag-aari ng iyong ISP, ang pagbabago nito ay maaaring labag sa kasunduan ninyo at magdulot ng singil o pagputol ng serbisyo.
  • Ikaw ang may responsibilidad na tiyakin na may karapatan kang baguhin ang unit bago mo ito gawin. Hindi kami mananagot sa napinsalang kagamitan, nawalang serbisyo, singil ng ISP, o anumang bunga ng paggamit ng produkto.
  • Ang license ay isang PC kada key (online activation). Bawal ipamigay, ipagbili, o i-share ang app o ang license key mo. Kapag napatunayan itong ginawa, mababawi ang license nang walang refund.

8. Suporta

May kasamang suporta sa paggamit — tutulungan ka naming mapagana ang binili mo at sasagutin namin ang mga tanong mo. Para sa BayadTrack ito ay 30 araw pagkatapos ng setup; para sa GDS ONT Flasher, tutulungan ka naming mapatakbo ito at ma-transfer ang activation kung papalit ka ng PC. Hindi kasama sa suporta ang pag-aayos ng unit na nasira dahil sa maling paggamit, ang pagbisita sa lugar mo, o ang mga bagay na labas sa saklaw ng produkto.

9. Presyo at pagbabago

Maaaring magbago ang presyo anumang oras. Ang presyong nakita mo noong nag-order ka ang siyang susundin para sa order na iyon. Maaari rin naming baguhin ang mga tuntuning ito — ang petsa ng huling update ay nasa itaas ng page na ito.

10. Limitasyon ng pananagutan

Ibinibigay ang mga produkto nang "as is". Sa saklaw na pinapayagan ng batas, ang kabuuang pananagutan namin sa anumang usapin ay hindi lalampas sa halagang binayaran mo para sa produktong pinag-uusapan. Hindi kami mananagot sa mga hindi tuwirang pinsala tulad ng nawalang kita, nawalang data, o nawalang oras.

Walang bahagi nito ang nag-aalis ng mga karapatan mong ibinibigay ng batas ng Pilipinas bilang mamimili.

11. Refund

Nasa hiwalay na page ang buong patakaran: Refund Policy.

12. Makipag-ugnayan

May tanong sa mga tuntuning ito? Message mo kami at sasagutin ka namin nang diretso.